الصور من مدونة أمانة عمّان الكبرى
بدأت أمانة عمّان الكبرى بتركيب مطبات مطاطية جديدة في أماكن متفرقة من العاصمة, وتتميّز هذه المطبات بسهولة تركيبها وفكّها, وأيضاً “ضررها” القليل على المركبة, بخلاف المطبات الأسمنتية التقليدية.
سؤالي: مين شاف المطبات الجديدة هاي وجرب يمشي عليها, وشو رأيكم فيها…؟
ملاحظة: ياريت الأمانة تستبدل المطبات “الطبيعية” اللي هي الحفر والخوازيق الي بالشوارع كمان.
on 
on 
11 عدد التعليقات
at 3:11 pm - 19th November 2008 Permalink
الصراحه شكلهم حلو و عاجبني
بس الله أعلم كيف وضعهم؛ إسأل اللي معهم سيارات و رخصولهم البنزين
at 3:17 pm - 19th November 2008 Permalink
بصراحة ، هذه الفكرة رائعة ، و أنا كنت قد بدأت أن ألاحظ جهود الأمانة بالأشهر الأخيرة ، و الحق يقال بأنهم (بشتغلوا) ، و لكن بالطبع تبقى مشكلة الحفر و غيره
و لكن سؤال … هل تستحمل هذه المطبات الصناعية أوزان ثقيلة كأوزان الشاحنات ؟ أي أنّها لا تنمسح تدريجيّاً ؟ و إن تم ذلك هل سيتم ابدالها بشكل سريع ؟
و أنا أقترح أنه يتم رشها دورياً بمنظفات حتى يظهر اللون البرتقالي بشكل واضح
at 10:52 pm - 19th November 2008 Permalink
أزفت نوع مطبات بالعالم!!! شارع المطبات بعبدون عبوا منهم!!! طبعا غير عالأول ما بزبط معك المطب! لأ و برضوا احتمال تبلع المطب عالأول! جد منظرهم حلو و جذاب بس عملياً عبارة عن أكلة *** المطب!!!
أو إذا حدا أكل المطب و ما كان شايفه يوصفلنا الشعور 
عفكرة… في شب قلي إنو هذول المطبات زي الأشياء الصفر بالشوارع! يا بتوقف وقوف تام يا بتفوت على سرعة 80 عشان ما تحس! بس بصراحة قلبي مش مطاوعني أفوت المطب على 80! فا يا ريت إذا حدا مئايس عسيارته يجرب و يحكيلنا
at 12:20 am - 20th November 2008 Permalink
ولكو والله حرام عليكم والله الحفر بعمان اخف من اي بلد ثاني
خليني نحمد ربنا بس
ويعطيهم العافية شباب الأمانة
وعفكرة فكرة المطبات فنانة
at 7:40 pm - 20th November 2008 Permalink
واللة يا اخوان انا بعت سيارتي تاني يوم من ورا هالمطبات بيكون الواحد مروق مروق بتفاجئ بالمطب وبيوكلو وراسو بيخبط بالسقف وبيصيبو ارتجاج بالمخ وبس عشان هيك كلها مطبات لا في مطبات خفيفة ولا ضررها قليل ما في بعد المواصلات
at 8:33 pm - 20th November 2008 Permalink
بصراحه هاي المطبات جدا مؤذيه للسيارات حتى لو كانت كياس هوى ..
ما في مطب بتاكله السياره الا بيني و بين حالي ب(***** )
الغريب بالموضوع .. انه احيانا انا بمر بالف مطب بشارع واحد ..
يعني لو كنت مستعجل و مش سائل و الله ما بوقف ولا عمطب ..
التوعيه بالقياده ما حتكون بكتره المطبات بهاي الطريقه ..
لكن بكل الاحوال هاي المطبات المطاطيه .. بتضل احسن بالالف مره من مطب صبة البطون و كومة الحجار الي بيعملوها مطب و بطريقه غبيه كمان .. مع احترامي للقراء ..
at 12:18 am - 22nd November 2008 Permalink
هههههههههههههههههههههههههههههههههه
يعني قصدكو مطبات الاسمنت احسن
يوووووووووووووووووووووووه
والله احنا مرات بنكون ماشيين بهالسيارة ومش شايفين هالمطب الاسمني
وبس نطلع بطير السقف لفوق وبرجع … اخخخخخخخخخخخخخ بس
طبعا هذا بعد ما ترقع راسك بسقف السيارة مثل الشاكوش
وبصراحه مطبات المطاط هاي ما بشوفها عندنا بلواء الكورة يعني ما جربتها
at 1:29 am - 25th November 2008 Permalink
لازم يلونو المطبات الاسمنتية بالابيض او بالبرتقالي او الاصفر عشان تبين..لانو مش وضع ما يبينو !!
والمطبات الجديدة بضر اكتر من الاسمنتية..لانو حجمها كتير صغير..
لو يعملو مطبات لتحت..ارخصلهم واسرع..ومافي اسرع من التكسير والحفر..بس برضو هاي عاطلة للسيارة..حطو مطبات مسامير..والله الكل ليحرم يمشي بسيارتو
هههههههههههههههههههههههههههههههههههههههه
at 7:45 pm - 28th November 2008 Permalink
انا اصلا مستغربة.. ليش بتلزمنا كل هالمطبات؟ بتلاقي بالشارع الواحد مية مطب.. انا برأيي المطبات مو حضارية ابدا و ما بتشجع المواطن يربي الوازع الداخلي و الحس بالمسؤولية أو المحاولة بالالتزام بقواعد السير… بس عادي.. تعودنا على هيك.. لا الحكومة بتثق بالشعب انو يعمل الشي الصح من تلقاء نفسه و لا الشعب بيثبت للحكومة انو نظامي “متل الشعوب الاوروبية” و مو بحاجة للمطبات الاجبارية
at 9:47 am - 2nd December 2008 Permalink
هههههههههه
الحمد لله سيارتي واثقة من حالها وما بهمها ولا مطب .,, هاي المطبات خفيفة
ولا تنسوا تدعولي
(( أشتري سيارة ))
at 8:33 pm - 15th July 2009 Permalink
ازالة جميع المطبات داخل عمان
أرسل تعليقاً