مبارح من الزهق ما لاقيت الا أنه أروح على السينما, أشوف شو في أفلام جديدة نازلة, وأحضر شي فيلم .
لفت نظري فيلم جديد إسمو Body of Lies للمثل Leonardo DiCaprio, وبحسب القصة المكتوبة في بروشورات الفليم:
بادي أوف لايز فيلم مستوحى من رواية الصحافي في الواشنطن بوست ديفيد إجناتيوس والتي صدرت عام 2007 وتدور أحداثه حول عميل وكالة المخابرات المركزية CIA، روجر فيرس (ليوناردو دي كابريو)، الذي يكشف زعيماً إرهابياً كبيراً شك يعمل خارج الأردن. عندما يبتكر فيرس خطة لإختراق شبكته، يجد أن عليه أن يفوز أولاً بتأييد إد هوفمان من وكالة المخابرات المركزية CIA (راسل كرو)، لكن ربما المشتبه به، رئيس المخابرات الأردنية. بالرغم من أنهم شركاء له، يتسائل فيرس كم يمكنه أن يثق بهؤلاء الرجال بدون وضع حدّ لعمليته.
اللي لفت نظري أنه الفيلم فيو شي عن الأردن, حكيت خليني أحضرو وأشوف شو القصة.
بداية الفيلم في بغداد, بتحكي عن شبكة إرهابية بتقوم بتفجيرات في العراق, بعديها بسافر عميل وكالة المخابرات الأمريكية “ليوناردو دي كابيريو” الى الأردن للتعاون مع مدير المخابرات الأردنية للقبض على رئيس التنظيم الإرهابي.
صورة الأردن بالفيلم محبطة جداً, وبعيدة كل البعد عن الصورة الواقعية الصحيحة للأردن.
الفيلم مصور في المغرب, ومالو علاقة بالأردن لا من قريب ولا بعيد.
البداية بتكون لصورة “تبدو” أنها من العبدلي, طبعا فش فيها شي بشبه العبدلي الا مسجد الملك عبد الله الأول, وسيارات أردنية, عليها نُمر أردنية (الشكل القديم و الجديد كمان).
وخلال الفيلم بنعرض عدة اماكن من الأردن, بتبيّن أنه أحنا عايشين على الحمير لغاية اليوم, عالم مشرّدة بالشوارع, وأساساً مافي شوارع, كلها مخيمات طين وناس لابسين لبس عربي بالشوراع.
في عدة مقاطع في الفيلم للسفارة الأمريكية في عبدون, ولمطار الملكة علياء, وطبعاً لا السفارة هي السفارة الي بعمان ولا المطار هو مطارنا .
ويتطرق الفيلم بصورة مبالغ فيها عن حالات التعذيب في الأردن عبر ما أسموه بـ “مصنع الأظافر”…!
المضحك هو اللغة العربية, على أساس أنه “ليوناردو” بيحكي عربي, ومدير المخابرات الأردني وبقية الناس اللي بالفيلم, واللغة اللي بيحكوها بتشبه كل شي الا العربي طبعاً, لدرجة أنه انا كنت أقرأ الترجمة الأنجليزية للعربي الي بيحكوه عشان أفهم شو بيحكوا.
بإختصار شديد, صورة الأردن بشكل خاص والعرب بشكل عام مازالت بمرحلة “التخلف والمجية” لدى أفلام هوليود لغاية الآن..شي مؤسف بالفعل..
على كل حال, اللي حابب يقرأ تفاصيل أكتر عن الفيلم يقرأ مراجعه مدونة Black Iris of Jordan عن الفيلم.
دبوس: الممثل اللي بقوم بدور (السليم) “الأرهابي المسلم” بحسب الفيلم أسمو الحقيقي Alon Abutbul وبحسب بحثي بالأنترنت, هو ممثل إسرائيلي ..
on 
on 
20 عدد التعليقات
at 5:36 pm - 21st November 2008 Permalink
أوكي
بنحضر و بنردلك خبر مع أني مش كتير متفائلة؛ عودونا ع هيك من زمان
at 7:13 pm - 21st November 2008 Permalink
طيب .. ليه هيك يعني عملوا ..
انه الفم مصور بالمغرب و بقولوا انه هاي الاردن .. و انه الناس مشرده بهاي الطريقه ..
شو الهدف برأيك ؟؟
بصراحه انا استغربت من هالكلام .. و صار عندي فضول احضر الفلم ..
الغريب انه اغلب الكلام الي كتبته يا عامر او نقول نقلته عن الفلم .. فعلا مو صحيح ..
هاد يعتبر تشويه واضح .. ممكن الناس ما تعرفه و تصدقه .. بس الي من اهل الاردن متلي و متلك بينفي هاد الحكي ..
فليه هيك .. انا مو فاهم ..
at 8:15 pm - 21st November 2008 Permalink
والله لسا بشوف مقابلة لسكوب مع ليوناردو دكابريو
الي جد قرفت منو ومن المذيعة المتخلفة الي معاه
ولما يقولوك هي عملية محبوكة علينا اه عملية ونص
ولكم مش ملاحظين انه قلبنا قروود عندهم
at 9:34 pm - 21st November 2008 Permalink
والله اسكدنيا يا اسكدنيا ..
احكيلك انا بشرفي بكرهوا ليوناردو دي كابريو ..
at 1:45 am - 22nd November 2008 Permalink
صحيح أن كل المشاهد صورت أنها لم تكن في الأردن لكنه لا يعطي صورة سيئة عن الأردن على العكس انها تعطي صورة مدهشة عن قدرة الاستخبارات الأردنية وذكاءها لمكافحة الارهاب وأنصح جميع مشاهدة لأنه فيلم اكشن رائع
at 2:03 am - 22nd November 2008 Permalink
الاعلام الغربي بشكل عام يتستّر على هيئة العرب الحقيقية خصوصاً في بلاد الغرب،
فمن المستحيل أن تُمثلنا هوليوود بطريقة مشرّفة أو متحضرة، ليبقى التحضر لهم، و نحن نكون أسرى للتخلّف في عيونهم ..
ليش كتير مضايقين حالكم على هوليوود ؟ المهم انه نحنا نكون عارفين حالنا، و العالم الغربي الحمدلله مثقف بما فيه الكفاية ليعرف انه كل ما يٌعرض في دور السينما هو تمثيل..
شوفوا السياحة في بلادنا، متطورة .. و هاد أهم شي ..
المهم انه ما نخلي كل ما يفعله الغرب يزعزع ثقتنا بانفسنا ..}!
at 4:26 pm - 22nd November 2008 Permalink
مؤسف انو يكون انطباع الغرب عن العرب هيك ..تفكير و اسلوب خاطئ بدهن يشوهوا
الشرق حتى بافلامهن .. فليكن !! بيكفي انو نحنا منعرف انفسنا منيح ..
at 7:50 pm - 22nd November 2008 Permalink
اصدقائي واخوتي قرأت هذا الخبر الغير عادي ولكن أن دل على شئ فهو يدل على ضعفهم وقصر عقلهم الكل منا او البعض سافر الى امريكا او كندا صدقوني ان هذه الافلام لاتعرض الا في الشرق الاوسط والعالم الثالث كم يسموه بارك الله بكل عربي وكل اردني وسوري يقول السلام عليكم انها حرب اعلامية مستهدفين فيها والله المعين
at 9:04 pm - 22nd November 2008 Permalink
ليه مستغرب من صورة العرب والأردن بالفلم ؟؟!!!؟؟!!
هادا شي طبيعي عشان ينقلو صورة خاطئة عن العرب والإسلام للغرب … وعشان يضل الحقد والكره موجودين وهادا الحكي مو بهادا الفلم بس ( مع اني مو حاضرتو ) بكل فلم الو دخل بالعرب بتلاقي الصورة مشوهة تماما !!!!
at 9:59 am - 23rd November 2008 Permalink
هم كذا سواء كان الفيلم عن العرب أو المسلمين أو أي بلد يطلعون نفسهم ملائكة والعالم الباقي متخلفين ،، والدليل الأفلام الإيطالية والإنجليزية اللي إنتاحها أمريكي أنواع الضحك على الشعب والحكومة
at 11:01 pm - 23rd November 2008 Permalink
at 11:50 pm - 27th November 2008 Permalink
وما هوا الجديد في الموضع دائما صورتنا في هلووود ارهابيه او متخلفين عقلين
at 10:32 am - 4th December 2008 Permalink
يعني شو متوقع يطلع من الأمريكان يا عامر يا خليلي؟!
ناس مترّبين على الخوف من الأسلام و معادات العرب و المسلمين هل انت متوقع ان يصوروا أحداث الفيلم بعمان الغربية مثلا؟ او ممكن تتوقع ان يظهروا العرب و المسلمين بمظهر لائق و متحضر؟
السائح الامريكي لما يجي على الاردن اول شيء يصوره هو العربي البدوي الاجرب اللي ما شم ريحة الميه من سبع سنين, هدول الامريكان بحبوا يقدسوا نمط الحياة الغربية ببلادهم فقط!
تخيلوا يا أخوان انهم حاسدين العرب (يا لهوي!
) على النموذج الأماراتي المتمثل في دبي!!
عجبي!
at 4:09 pm - 12th December 2008 Permalink
دايماً لما يجيبو صورة العرب بافلامهم بخبصو كتير
شوفو فلم
you dont mess with the zohan علشان تعرفو الفرق بين نظرتهم للاسرائيلين وبين نظرتهم للعرب
at 7:00 am - 20th December 2008 Permalink
امريكا
في طول عمري كله لم ارى فلم امريكي خسرت فيه امريكا
at 10:08 pm - 21st January 2009 Permalink
بصراحة احنا اللي شوهنا حالنا هيك و بالتالي لا نلوم غيرنا ع غلطنا و كما قال الله تعالى
لا يغير الله ما بقوم حتى يغيروا ما بانفسهم) لذلك الصورة اللي حاطينها عنا لا نوخدها زي ما هي و لكن خلينا نوخدها بمعنى نظري بنلاقي انو وجهة نظرهم انو نحنا ما بنستخدم عقلنا الا للامور التافهة وكانو المفروض يوم القيامة نسلم المخ مجلتن بكيسو و از واحد فكر بفكر بطريقة غبية ولا تزعلو مني انا كتير بحب المسلمين و العرب و بموت ببلدي الاردن بس هاد واقع نحنا فرضنا ع نفسنا و لازم نحنا نغيروا والله بعين
at 1:55 pm - 22nd April 2009 Permalink
عن جد مهزلة أنا هلا صرت بكرهه للينردو ديكابريو فعلاً إنهم أغبياء و لا زم نسوي إِي إحنا حتى نوقفهم
at 11:16 am - 24th April 2009 Permalink
اصلا كل الفيلم بيحكي عن قوة المخابرات الاردنية ويثبت انها اقوى شبكة في الوطن العربي وان مكافحة الارهاب ايضا قوية
at 10:09 pm - 28th May 2009 Permalink
this movie show that arab people is Retarded and that’s not true
I saw this movie twice and realy think you should watch this vidoe
http://www.youtube.com/watch?v=rOJkh-Tk95U
at 9:19 am - 1st August 2009 Permalink
مصورين الاسلام والجاهد ع انه عمل أرهابي؟ ؟
واللي يسووونه في الدول( فلسطين _ العراق_ أفغانستان) هذا أيس يسمووونه؟
ولا بعد ليوناردو يقول أنتم عبيد شيوخ ( السعوديه) اللي يمولون لكم بالأموال؟؟؟؟
حسبي الله عليهم…
ع قولكم أيش نتوقع من يهود اللي يكرهون المسلمين والعرب؟!
أرسل تعليقاً