من فترة وانا عم بشوف أعلانات بالجرايد عن موضوع ترتيب أمانة عمّان الكبرى لتجهيز إحتفال كبير بمناسبة مئوية العاصمة عمّان.. شي حلو كتير.
القضية اللي حابب أحكي فيها اليوم هي موضوع المجسم اللي زي “باكيت المالبورو” اللي موضوع على الدوار السابع في عمّان, المجسم البشع جداً والمتآكل جداً وجداً.
تم تنصيب التمثال الذي يمثل صراع الناس على الثقافة الي ماكلة بعض منذ عدة سنوات, وهو عبارة عن كتاب كبير عليه ناس “متشعبطين” وبتطاوشوا مين يوصل لقمة باكيت المالبورو.
اللي صار أنه هالمجسم مخرب المنظر الحضاري لمدخل المدينة, واللي مكانو يعتبر من أهم الأماكن في عمّان لأنه أول شي بشوفوا الزائر من المطّار هو هاد المجسم المتهالك والمهتري واللي عفى عنه الزمن.
بما أنه بلشت حكيي بموضوع إحتفالية عمّان بمئويتها خلال السنة القادمة, انا بقترح على القائمين على أمانة عمّان الكبرة -بتمنى حد يسمعني- أنه يقوموا بإزالة المجسم وإستبداله بمجسم آخر جديد يمثل الإحتفالية بالذكرى 100 لتأسيس عاصمتنا الحبيبة عمّان.
الموضوع مش صعب جداً, من الممكن طرح مسابقة لتصميم فكرة إنشاء مجسم أو تمثال في الصحف اليومية وفتح باب المشاركة للجميع في تصميم جديد يكون مستمد من روح عمّان التي بلغ عمرها 100 عام.
وكل عام وانتو بخير..
on 
on 
9 عدد التعليقات
at 8:15 pm - 6th December 2008 Permalink
بصراحه انا كل ما اشوف هالتمثال بتزكر فيلم زومبي
..ما بعرف ليش
…ال علم و ثقافه…مش لاقيين غير هالمنظر هاد 
وبخاف منه بصراحه
at 9:16 pm - 6th December 2008 Permalink
والله اخي حكيك صح بس اصلا ليه يحطو تمثال تاني لا المفروض يزينو الدوار متلا بورد مرتب او بنافورة مي متل العالم والناس ويقيمو هتمثال اي كل ما امشي من جنبه بسياره بحسه بده يوقع عليه
at 9:48 pm - 6th December 2008 Permalink
جميل جدا
بس اول مرة اعرف انو كتاب
بالنسبة لفكرتك بتحنن
وعندي فمرة تمثال سدر منسف عليه راس خاروف بلدي
at 4:20 pm - 7th December 2008 Permalink
تصدقو وأنا كمان ما كنت عارف إنه كتاب على العموم هو مش سيء لهالدرجة يعني يكون فاضي أحسن؟؟؟
at 9:02 am - 8th December 2008 Permalink
يآآآآه ، لسه لما بنوه ما شفت جد تعبو عليه وخصوصاً مرحلة صب الإسمنت شفتها بعيني صدفة !
ولكن كلامك سليم 100% ..
مشكلة هذا النوع من الأبنية خلص بعتق مع الوقت ، لأنه مو مثل بروما أو باريس البناء عندهم بضل مئة سنة وهو صامد وكأنه إمبارح إنعمل !
ثانك يو
at 12:59 am - 10th December 2008 Permalink
بس ضايل عليهم يحطو ع الدوار ارجيله بتفاحتين حتى تكمل السمرة.
المشكلة انو الكتاب ما بمثلنا كسكان عمان لنو نصنا ازا مش اكتر ما الهم شغل بالكتب
at 4:46 pm - 10th December 2008 Permalink
تعفي يا انسه لرنا تعليقك كتير منطقي ويا ريتك كنتي انتي مهنسه في العاصمه عنجد وسلامتك من الخوف ولا يوقع عليكي مع تحياتي انا الورد
at 4:48 pm - 10th December 2008 Permalink
انسه رنا ممكن انك تكتبي اقتراحك للامانه ويمكن يردو عليكي وما تنسي تكتبي جواب يا رنا
at 12:44 am - 17th December 2008 Permalink
أنا رأيي يحطوا تمثال إلي
و
انا واقف
أرسل تعليقاً