منذ فترة قصيرة بدأ برجيّ بوابة الأردن التوأمين برسم صورة جديدة للعاصمة عمّان بشكل عام و منطقة الدوار السادس بشكل خاص, وقد شارف البناء على الإنتهاء قريباً بعد البدء بتلبيس البرجين بالزجاج والألمنيوم.
الأسئلة التي أود طرحها عليكم والتي تدور حول البرجين, هي كيف ترون موقع برجيّ بوابة الأردن؟ وكيف تروّن تناسق البرجين مع الأبنية الحجرية المحيطة, هل وجودهم أعطى صورة جمالية للمنطقة أم قام بتشويه المنظر الجمالي للمباني بشكل عام.
شاركونا برأيكم…
** الصورة من مدونة أمانة عمّان الكبرى
on 
on 
19 عدد التعليقات
at 1:35 am - 27th December 2008 Permalink
شو هالأخضر الجديد هاد؟
وشو لايف هاي كمان؟ انتا هون بهالبلاد؟
عادي مش شايفه البرجين عاملين شي زياده بصراحه
ذكرتني بالشباب اللي كانو معي بالشغل؛دايمن كانو بيتبعو البرجين؛ إطلع من الشباك: اليوم لبسوهم؛ اليوم مش عارف شو
at 9:25 am - 27th December 2008 Permalink
هم لسه ما خلصو !!
بدري والله . . .
at 10:23 am - 27th December 2008 Permalink
بصراحة انا بحس انهم انحطوا باضيق مكان على وجه الاطلاق….و منظره العام تشويه للمنطقة
يعني بتصور في كتير اشياء جديدة ممكن انها تكون كشكل نهائي للبرجين بس يا خسارة ما طلع معهم غير هيك
at 11:14 am - 27th December 2008 Permalink
مياسي : والله زارعين المدونة جرجير
تغيير بالشكل مش اكثر..
هالكم يوم ان شالله بكون بالبلاد
at 1:03 pm - 27th December 2008 Permalink
اتسائل بنفسي انه عندما تم التخطيط للبناء لم يرى المهندسون الابنية المجاورة
اتسائل ايضا عن المسؤولين الذين زاروا المكان اثناء بناءه
واتسائل واتسائل وكل يوم تزداد تساؤلاتي …
at 1:49 pm - 27th December 2008 Permalink
أي برجين معلم ؟
السنين الي ما الك فيها لا تعد ايامها ….
at 3:22 pm - 27th December 2008 Permalink
يعنى بصراحة احلى من هيك ما في شي جميل جدا تصميم معماري مميز موقع يفوق الروعة يعنى اكتر من هيك تناسق ما في ….
طبعا كل هالكلام بعد ما يهدمو كل البيوت اللى حد بوابة الاردن
ههه يعنى اول مرة بشوف بوابة بنص البيت دايما البوابة بتكون بالاول
at 4:05 pm - 27th December 2008 Permalink
شو هال الشي المهم
الناس بتموت في غزة
at 6:37 pm - 27th December 2008 Permalink
احلى من هيك ابراج ما شوفت
ومكانهم حلو كتيرررررررررررررررررر
ومع منضر بيوت الحجر طلع احلى واخلى
ولا شو بدك يعني لون البيوت او الابراج ؟؟؟
الاردن اولا والوحدات الزعييييييييم
at 11:21 pm - 27th December 2008 Permalink
يا سيدي ………….
شو هالشي الوااااااااااااو اللي عاملينو يا ريت لو بدنا نعمل شي نعمله باتقان
مش بس المهم نعمل و خلص …
بصراحة … وللا بلاش خليها على الله
at 12:27 am - 28th December 2008 Permalink
مش عارفه حاسه انه هالفلوس عالفاضي راحو…بعرف انو منظر جمالي ومش عارفه شو بعمل للسياحه
يعني من اول كم شهر وقبل ما حد يستخدمهم وقع كم طابق
الله يستر…. بصراح مش كتير مطمنه
و برضو يعني في مناطق كتير بدها تزبيط و بتكون مفيده للسياحه
يعني افتح عالجوجل وقرب عى منطقه من عمان الشرقيه بتشوف حبال الغسيل و الصوبات القديمه و التخوت القديمه..كله مدحوش فوق السطوح …وكل عماره لون وحاله
يعني لو هالفلوس استغلت باشي تاني بكون احسن
وبالنسبه للخضار اللي صاير عندك…بدري عالربيع كتييييييييير بكير
at 12:37 am - 28th December 2008 Permalink
يعنى بصراحة احلى من هيك ما في شي جميل جدا تصميم معماري مميز موقع يفوق الروعة يعنى اكتر من هيك تناسق ما في ….
طبعا كل هالكلام بعد ما يهدمو كل البيوت اللى حد بوابة الاردن
انا مع هاد تعليق
البرجين حلوين بس مش بهاد الموقع اول شي الموقع ضيق وعجقة ويا عيني يا ليلي شو بصير بشوارع المحيطه فيه بعد ساعه 2 الظهر
خلص عشان تمرق هناك بدك نص ساعه وازمه
والبرجين حلوين بس لما تنهدم كل منطقة ام اذينة والسابع وشارع المدينة المنورة لانه مبين المنظر غلط
عمارات قديمه وبعدها برج كيف صارت هاي !!!
وعنجد يعني كيف بوابة الاردن بنص الاردن ….. ؟
at 1:28 am - 28th December 2008 Permalink
وبعدين في سؤال في واحد منم حيكون فندق هيلتون ف اذا حد بعرف بليز يجكيلي الكلام صح ولا لأ
at 2:48 pm - 28th December 2008 Permalink
whisper أجت البلدية وشالت كل الجرجير الي زارعو
at 5:14 pm - 29th December 2008 Permalink
والله مو زابطة معي مع انه لما اتوه بالمنطقة برجع بلف وببلش من عندهم
وانا لو هاي البلد الي بزرع هالبرجين باخر الدنيا بدل حدائق الحسين
الي مانعين حد يدخلها الا ومعو كيسين بزر وفستق وصبية
انا بعرف اني بعدت عن الموضوع بس والله طولو بالعمار وزهقنا واحنا بنطلع لفوق
اقتراحي انو يسوو شارج الجاردنز ابراج بيطلع الوضع بعقد لانها منطقة حيوية وكلها نسوان
قصدي كلها شغل ورجال اعمال وسكرتيرات
at 6:21 pm - 29th December 2008 Permalink
ما يميز مدينة عمان عم باقي المدن الاخرى بانها مدينة مبنية من الحجر
وان وضع مثل هاذا البرج في منتصف الميدنة يشكل تشويه للمنظر الجميل للمدينة
اقترح ان تكون الابراج في مكان منفصل في المدينة مثل دبي ونيو يورك يضا
شكرا لكم على السايت الجميل
سارة من البانيا
at 11:41 am - 3rd January 2009 Permalink
الاشي الوحيد الي بخليني حاقد على البرمجين لما امرق بالسياره من عند السادس وأغلط واقلب راسي عليمين واشوف البرجين بظل دايخ لحد ما اوصل السابع . اييييه يرحمك ربي يا جدي لما كان يقولي : ياجدو لا تطلع لفوق بتوجعك رقبتك (:
at 10:01 am - 31st January 2009 Permalink
ي كيف ترون موقع برجيّ بوابة الأردن؟
موقع رائع , لا مثيل له
وكيف تروّن تناسق البرجين مع الأبنية الحجرية المحيطة
متناسق جدا
هل وجودهم أعطى صورة جمالية للمنطقة أم قام بتشويه المنظر الجمالي للمباني بشكل عام
لا اوعك تغلط اي تشويه هاد اللي بتحكي عنه
فعلا هم بضحك وهم ببكي , شكلو المهندسين لما خططو اله ما شافو الموقع
مشكور عالموضوع
at 1:05 pm - 30th April 2009 Permalink
ايش حاجة عاي البلاد اللي ما فيها شارع بحترم حاله على الارض لبرجين بالسماء؟؟
أرسل تعليقاً