العديد منكم تابع -وربما شارك- في المظاهرات التي إنطلقت بعد صلاة الجمعة في عمّان من الرابية (مسجد الكالوتي) بإتجاه السفارة الإسرائيلية, حيث تناقلت العديد من القنوات الإخبارية ومواقع الإنترنت الإشتباك الذي حصل بين المتظاهرين و أفراد الشرطة ومكافحة الشغب.
حيث تحولت المظاهرة من مظاهرة تنديد بالعدوان على غزة بإشتباك مع رجال الأمن الأردنيين ورشقهم بالحجارة ومحاولة الإعتداء عليهم, بالإضافة الى تكسير الأشجار المحيطة وتكسير زجاج السيارات التي كانت على أطراف الطريق.
فور قرائتي للموضوع, أردت أن يكون لي وقفة مع ما جرى وتعليق على الموضوع, فهل يعقل أن تتحول مسيرة هدفها نبيل الى مظاهرة تخريب ممتلكات عامة ورشق رجال الأمن بالحجارة؟؟ هل بهذه الطريقة سيتم طرد السفير الإسرائيلي وإغلاق السفارة؟!
جميعنا يريد طرد السفير الإسرائيلي, وكلنا نريد مساعدة أهل غزة. ولكن الطريق لمساعدة غزة لا تكون برمي الحجارة وتكسير السيارات وبالتالي إيصال رسالة بطريقة همجية جداً لا هدف لها إطلاقاً.
هنالك العديد من الطرق لمساعدة غزة, وللإعتراض على وجود سفارة اسرائيل في الأردن… هنالك خيمة إعتصام موجودة في منطقة الرابية بالقرب من السفارة يتواجد فيها العديد من الشباب يهدف لإيصال رسالة إعتراض على ما يحدث في غزة ويطالبون بطرد السفير.
يمكنكم التبرع بالدم والغذاء والمال لغزة, هنالك العديد من الإعلانات التي تنشر في الصحف لتشرح طرق التبرع.
بالنهاية, هنالك ثقافة للإحتجاج, وإلا أصبحنا كالنار تبدأ حارقة لتنتهي رمادا بلا فائدة.. تذكر قوله تعالى “إن تنصروا الله ينصركم …..” فهل تعتقد ان تدمير الممتلكات والاعتداء على رجال الامن هو من نصرة الله ونصرة اهل غزة …!!
*الصورة من موقع عمون الإخباري
on 
on 
on 
on 
19 عدد التعليقات
at 2:22 am - 3rd January 2009 Permalink
لازم تبقى الاعتصامات بكلمكان ليطرد السفير
بس عبث
at 9:34 am - 3rd January 2009 Permalink
اوافقك الرأي
اصلا احنا المسلمين حتى في الحرب مش مسموحلنا التخريب ولا حتى قطع شجرة في ارض العدو فما بالنا بالتخريب في ممتلكاتنا او ممتلكات دولتنا؟؟
at 12:28 pm - 3rd January 2009 Permalink
للأسف من الصعب ان تمنع عملاء إسرائيل او المخابرات من محاولات تخريب المظاهرات. وهذه أقدم لعبة في كتاب إحباط التظاهرات السلمية. بل ويرجع تاريخها للثورة الفرنسية حيث كانت أجهزة الأمن تدس بالمخربين لكي يعطوا عذرا للحكومة لقمع المتظاهرين بأعنف الأساليب.
at 4:13 pm - 3rd January 2009 Permalink
Yes, I agree with you. We must be civilized in the way we protest..
at 4:37 pm - 3rd January 2009 Permalink
عتبي على رجال الامن الاردنيين … كانت هذه المظاهرة تمشي بشكل سلمي ولكن خاف رجال الامن عند اقتراب المتظاهرون من السفير الاسرائيلي .. فوقتها الله اعلم ماذا كان ليفعل بعضهم
ربما يدخل بعضهم الى السفير الامريكي ويهبوا على ضربه او ايذاءه
فمنعوهم خوفا من تفاقم الامور .. او ربما كما قالو على الجزيرة السفير الاسرائيلي خط احمر .. ولكن ليس الى الابد
فسيطرد هذا السفير النذل شاء ام ابى قريبا جدا ان شاء الله
at 4:41 pm - 3rd January 2009 Permalink
اكيد هاي مو طريقه لطرد السفير
بالعكس هاي طريقه ان دلت فانها تدل على همجيه كما قلت
وعلى الغباء في حل كافة المشاكل التي تتعلق بامور الامه العربيه
لا ادري كيف يفكر شعبنا الكريم
ولكنهم يطنون انه بالقوة يحققون ما يريدون
المشكله اني لا اذكر ان الشرطه الاردنيه ابتدات الشباكات مع اي متظاهر
بل واذكر انه احد الاصدقاء قال لي
انهم حين كانوا يعتصمون في الرابيه
فان الشرطه كانت تقدم لهم البطانيات حتى لا يصاب احد بالبرد
وبانهم كناوا يساعدونهم بالتظاهر بالشوارع منعا لاصابه اي انسان
يا شعبنا الاردني بشقيه اصحوا من سباتكم وحاولو التفكير قبل اداء اي خطوه
لا تعاملو الجيش الاردني كانه ضدكم
لان جيشنا لن يكون الا لحمايه وطننا وحمايتنا
لذلك هو يستحق افضل تقدير واحترام وليس الرشق بالحجارة
at 7:51 pm - 3rd January 2009 Permalink
والله يا اخي احنا شعبنا بكون ماشي باول الموضوع تمام بعدين شو بصير معه محد بفهم …. لا والادهى من هيك بطلعلك واحد على تلفزيون بشكي انه الشرطه الاردنيه ضربتنا يا اخي الله لا يردكم ازا بتعملو هيك , في ناس رايحه تصلي وتعبد ربها تطلع تلاقي سيارتها بلا زجاج ليش طيب مصاري هاد رجال حرام ولا حرام !!!!
بعدين الي بده يتظاهر لازم يمثل اخلاقه ازا نص اخلاق المتظاهرين هيك شو بدها تعمل الحكومه تزقفلهم وتحكيلهم والله احنا معكم … طيب والي سيارته راحت شو يعمل من يدفعله ؟
بعدين شجر الي بشوارع ما احنا دافعين حقه من ضرايب بتحبه تزيدو على حالكم ضرايب ليه ؟
طبعا انا مش ضد المظاهرات ابدا لانه هاي هي طريقه الوحيده لنقل مشاعر المواطنين بس ازا بدها المشاعر تخرب بيوت ناس بلاها كل واحد يحتفظ بمشاعره , مش بكفي اهل غزه نخربت بيوتهم !!!
at 11:42 pm - 3rd January 2009 Permalink
شو بدنا نحكي !!!!!!!!!!!!!!!!!!!!!!!
أكيد مش طريقة ,,, هيك بنوصل تضامنا مع شعب غزة يعني ….؟!!!!!!!!!!!!
at 1:44 am - 4th January 2009 Permalink
لا حول و لا قوة اللا بالله العلي العظيم
شو بدنا نحكي و شو بدنا نعمل هادا اللي شاطرين في
سواء احنا او غيرنا ما بطلع مننا خير
at 3:09 pm - 4th January 2009 Permalink
we all love gaza,but we cant close conslate in this way
at 6:30 pm - 4th January 2009 Permalink
انا ارى ان التضاهر السلمي حق و هو مجاز و انا معه الا ان يتم التطاول على الدوله فهذا خط احمر قاني اللون
نحن نفتخر برجال الامن لدينا في الاردن و نحترم القضية الفلسطينية و نددنا بضرب غزه
اما ان تؤخذ هذه الضربه حجة للتجمهر خلف احقاد عدوه للاردن فنحن هنا نقف و نقول الاردن أولا
ادام الله ابا الحسين و العائله الهاشمية التي ابدت جميع انواع التعاطف مع اخواننا و اهلنا في قطاع غزة
كلنا مع غزه لكن ليس تبحويل الاردن لساحة صراع
رحم الله شهدائنا و السلام عليكم و رجمة الله
at 10:50 am - 10th January 2009 Permalink
اعتقد ان السفير الاسرائيلي يليق به ان يطرد من الاردن بالاحذية ، اما بخصوص تخريب و تكسير الممتلكات العامة اظن انها ليست من الشباب المتظاهرين بل من شباب مندسين لان المسيرة كانت سلمية و اذا اخطأالمتظاهرين ايكون عقابهم باستخدام الهراوات و الشتم من قبل قوات الامن و الاعتقال و ضرب الصحفين !!!!!
at 4:55 pm - 12th January 2009 Permalink
تلك هي الديمقراطيه بام عينها
at 4:02 pm - 13th January 2009 Permalink
هاي الاردن ليش ما يكحشو السفير الاسرئيلي زي فنزويلا ويريحو الشعب والله ما في زي فنزويلا كل العالم بيطلع مظاهرات منظمه ليش ما الحكومه ما تنظم مسيره للشعب زي باقي الدول والله واحنا بندعي لااخوانه في غزه انو الله يصبرهم وينصرهم كمان احسن من المظاهرات كلها
at 6:09 am - 21st January 2009 Permalink
ممكن لحزة يعني ليش حضرتك مو حيادي بنقل الموضوع المزاهلاة كانت سلمية
بعد ما رجال الامن حطو رجلهم بلموضوع هيك صار
وبعدين بكل العالم وحتى بريطانيا صار هيك وصار اشتباك
وبعدين اتخيل انو نحكي رايحين عالسفارة وما يصير في المزاهرة هيك اي عدوان من اجهزة الامن على المواطنين
واكبر دليل مراسل الجزيرة بجد ما انخوت عبعض ياجماعة وكونو حيادين صح انا ما كنت بالمزاهرة
بس شفت الامن كيف نازلين معس بها لمتازهرين وكلو من ورا الاناس الي هيك بتحكي
انت طالع مزاهرة مو لازم تكسر ما حد كسر لولا تدخل الامن
او بتشوفها مبرر للنو الامن او مدري شو اسمو مكافحة الشغب هاد
الهمجي يكون ماسك الشباب وشي تلاتة اربعة يضربو شب واحد وينطو عبطنو
وغير مراسل الجزيرة يلي 20واحد او اكتر ضربو
المزاهرات وجه تعبير وحق لكل البشر ما تشوهها باسم انو يلي بيطلعو مزاهرة
بيكسرو وبيرمو حجار
وبالفعل العدوان الي شفنا عالشاشات من رجال الامن كان اشبه بالصهيوني ازا مو اكتر
وشكرا الكم اتحملوني يمكن انا افكاري متطرفة شوي
بس بترجاكم كونو حيادين
at 6:12 am - 21st January 2009 Permalink
وبحكي لجمانة بجد الله يسلم تمك
at 6:16 am - 21st January 2009 Permalink
وبحكي لروز فعلا الله لايرد حد بيعمل غلط بس الناس الها كرامة يعني مش عم تبهدل حضرتك ييييا ررررجل الامن بحمار لحتى ينضرب بهي الطريقة الوحشية الهمجية
وبعدين ازا الملك بنفسو اله يعزو ويدمو اعتذر للصحفي الي انضرب وحكى هاد شي ما بيصير احنا
نبرور الي اتكسرت سيارتو ياخوان يسامحنا زي ما الشباب سامحو رررررججججللل الامن
at 8:33 pm - 26th January 2009 Permalink
ما الفلئده من كل ذلك فحسب موقع بانيت عند عرب ال48 فان السفير الاردني في اسرائيل يعود لمزاوله اعماله المعتاده(www.panet co.il)
at 2:00 pm - 29th January 2009 Permalink
والله انا اتفق معك في موضوع الهمجيه اللي بتحكي عنها ,مش حيجيب نتيجه إلا القول اننا من العصور الوسطى.
بس كمان الإعتصامات المنظمه حكي فاضي ماله طعمه,وسبب عمل مثل هذه النشاطات هو إمتصاص غضب الشعوب ليس اكثر.
ربما هناك حل اخر يجب ان نبحث عنه بداخلنا ولكن للأسف ليس لدي اي فكره.
أرسل تعليقاً