ليس هناك خطأ إملائي بالعنوان, فقد قصدت بالفعل كتابة “سكراب عبدون المعلق” بدلاً من جسر عبدون المعلق,بسبب الحالة المزريّة التي وصل اليها الجسر المعلق اليتيم في الأردن.
خلال الفترة الماضية, صار مروري على الجسر السكراب شبه يومي, وصارت ملاحظاتي تتراكم يوماً بعد يوم حول الجسر “الخرابة”, فلا يخفى لأي مستخدم للجسر حجم الأهمال الكبير له وإنعدام كافة مظاهر الصيانة للجسر, حتى يخال لك أنك تمشي في جسر نائي في منطقة نائية في بلد نائية !!!
ملاحظتي الأولى كانت حول الإنارة المعطلة على أطراف الجسر, فأن أكثر من 40% من الإضاءة معطلة وأجزم بأن لم تتم صيانتها منذ إفتتاح الجسر قبل 4 سنوات من الآن, لماذا؟؟؟ ناهيك عن الإسفلت المهترئ والدهان الممسوح عليه لتختلط كافة المسارب مع بعضها البعض.. والمصيبة الكبرى هي طريقة طمس صور مرشحين إنتخابات مجلس النواب على اعمدو ودعائم الجسر, فقد تم طمسها بدهان رمادي لتصبح وكأنها “فانتازيا الوان”..
عطوفة أمين عمّان المحترم, عمّان ليست بحاجة لمظاهر كمالية فقط, لسنا بحاجة لمطبات صناعية بلاستيكية أو رؤوس الإشارات الضوئية جديدة تعمل وفق نظام (LED ) أو شعار جديد يختلف بالشكل فقط دون تغيير المحتوى, عمّان بحاجة للكثير لتبقى درّة المدن العربية والعالمية كما نريد دائماً أن نراها, هنالك العديد من الإنجازات الإيجابية المحسوبة للأمانة, ولكني هنا بصدد كتابة السلبيات لا المدح .
قد يكون جسر عبدون المعلق واحد من مئات الملاحظات على أداء الأمانة, هل يكون الحل بتخصيص جسر عبدون وتسليمه لشركة أجنبية مثلاً؟؟؟
خلال زيارتي لأسطنبول السنة الماضية, رأيت هناك الجسر المعلق الذي يربط أسطنبول الأوربية بالآسيوية, وعلى الرغم من مرور 36 عاماً على بناءة, إلا أنه يظهر وكانه بنيّ البارحة.. بينما هنا لم نتمكن من المحافظة على الجسر إطلاقا ليظهر وكأنه من مخلفات العهد العثماني..!
on 
on 
14 عدد التعليقات
at 2:58 pm - 29th April 2009 Permalink
انا نادرا ما بمر على الجسر, بس الاسبوع الماضي كنت مع ماما بمشوار و مشينا عالجسر, ماما انصدمت بتحكيلي مش هاد الجسر اللي مفروض جديد عملوه!!! e ^
كل المشاهدات اللي حكيتها موجوده و ما بدها تدقيق و تمحيص واضحه للجميع و اعتقد ان كل اللي بشتغلو بالامانه شافوها …بس بدك مين يعمل اشي
ويلكم باك عمار….لسا حتشوف اشياء كتيره فطول بالك
at 3:34 pm - 29th April 2009 Permalink
ماشاء الله تبارك الرحمن
جهد مميز ..
ومعلومات استفد منها بشكل كبير
سأحتفظ بمدونتك لدي لأنني سأعود لها كثيراً
وجدت بها ماأبحث عنه
بالتوفيق أخي الفاضل
at 6:19 pm - 29th April 2009 Permalink
و الله حرام يصير هيك, اول ما عملوا كان شيكلوا كتييييييير حلوا, بس هلا……. في ضواو كييييير محروقه و جوانب الجسر عليها اشكال هندسيه من حوادث السيارات, …
at 8:09 pm - 29th April 2009 Permalink
بتعرف ليه مو مهتمين بصيانتوا لانو المهم عندهم انوا انبنى عشان نضحك عالعالم ونحكي انو احنا متطورين و شوفوا عنا جسر معلق , خليها مستورة احسن
at 1:42 am - 30th April 2009 Permalink
لتبقى درّة المدن العربية والعالمية … شو بتقول !؟!؟ كثير هيك
at 10:15 am - 30th April 2009 Permalink
محطتنا التالية: أبراج بوابة الأردن..
at 5:43 pm - 30th April 2009 Permalink
تعرف يا اخي موضوعك احبطني جدا اني انا مقيم بل السعوديه
at 5:49 pm - 30th April 2009 Permalink
تعرف انو موضوعك احبطني وغم على قلبي تعرف ليش لانو انا الي ما شفت الجسر الي سنتين موقبل اسبوع نزلت صورة الجسر عن موقع جوجل وتفاخرت فيه قدام زملائي بل العمل وقلتلهم الاردن جنه لالني انا مقيم بل السعوديه بس ما بقول غير حسبي الله ونعم الوكيل ويا ريت يوصل تعليقي لعطوفة امين عمان
at 6:48 pm - 30th April 2009 Permalink
بحب الجسور كتيرر خصوصا ازا كانت عاليه ….جسر عبدون سمعت فيه قبل بس لسه ما مرقت من فوقو ..لانو ما نزلت على عمان
بعد كم شهر جايي بتنصحني القي عليه نظره 
..
at 5:52 pm - 1st May 2009 Permalink
والله الحال ما بتصور للدرجه هاي الي بتحكي عنها
ممكن في تقصير بس المفروض نعذر الامانه لانشغالها بامور جدا كتيره واذا بتشوف التغير الكبير بعمان والتحسينات الممتازه الي حدثت بفتره قصيره نوعا ما
وشكرا
at 2:41 pm - 2nd May 2009 Permalink
منور اينما نزلت وحللت.الى الامام دائما مع دعائي لكم بالتوفيق
at 3:43 pm - 3rd May 2009 Permalink
Smile you are in Jordan!
at 4:12 pm - 8th May 2009 Permalink
والله معك حق وفي اذا لاحظة سيارة ضارب عجلها بحفة الجدار ومعلم مكان الضربة طبعا الها من زمااااان
يسلمو يا كبير
at 8:58 pm - 10th May 2009 Permalink
هذا هو ما يميز عمان
“الانتيك”
يعني ممكن بعد فتره يسكروه و يحطو لافته ممنوع التصوير و يأتي بعض من سائسي الخيل و الابل لاخذ السواح في رحلات حول الجسر
الى الامام يا “أمين”,
أرسل تعليقاً