من الواضح أن العقلية الحكومية لا تزال تسيطر على شركة أورنج خلوي لتجعلها بالفعل أورنج “خروّي”, مشكلتي بدأت معهم حين حوّلت إشتراكي من زين الي أورنج شركات للتحدث مجاناً مع مجموعتي, وهنا بدأت مشكلتي بالتغطية “التعيسة” جداً لشبكة أورنج.
حيث من خلال إستخدامي المتواصل لشبكة أورنج في معظم مناطق عمّان وخارجها, لاحظت أن التغطية في عمّان الغربية جيدة جداً بخلاف التغطية في بقية مناطق عمّان الشرقية وغيرها, وينطبق الموضوع على المحافظات التي قمت بزيارتها.
حيث أن التغطية ضعيفة جدا والأتصال ينقطع عشرات المرات في اليوم!!
قمت بالإتصال مع خدمة المشتركين في أورنج, لم القى الا كل ترحيب وإحترام من موظفي الإتصال, ولكن “التطنيش” كان سيد الموقف فيما بعد, فلقد قمت بالإتصال معهم 5 مرات, وفي كل مرة يقوم شخص بالإتصال معي ليتابع المشكلة, لأجد تبرير الموظف مختلف في كل مرة وسخيف جداً في جميع المرّات, الى أن قمت بتقديم بلاغ “شديد اللهجة” في المرة الخامسة ليقوم مسؤول بالإتصال بي بعد يوّمين ليبلغني بإن طلبي وصل وسيتم إضافتة الى مجموعة طلبات تحسين الشبكة في خطة تطوير الشبكة الدوّرية التي تقوم بها شبكة أورانج!
يعني الله لا يردك وإستنى ليصير خير, أو كول *** (حذفت لغايات تحسين الجودة) وغيّر لشبكة تانية.
والتعليق الكم
on 
on 
17 عدد التعليقات
at 10:17 pm - 10th May 2009 Permalink
يعني لا بالانترنت نافعين
ولا بالتغطية العادية كمان!!
بس شاطرين يطاردو وراك بدهم الفاتوره
at 12:30 am - 11th May 2009 Permalink
والله يا عامر أنا بعاني معك بنفس المشكله, و كل مره بتصل بقولولي راجع المسؤول عن المجموعه…… فلسفه فارطه و ما في شي ببلاش, بياعتونا من جهة بياخدوها من الجهة الثانيه.
الله يصبرنا
at 12:35 am - 11th May 2009 Permalink
خلص رح نسجلك شكوى وهي رقم الشكوى سجله عندك ABCDEFG040-0-44-04409
وابقى قابلنا سيدي ..
at 12:54 am - 11th May 2009 Permalink
“طلبي وصل وسيتم إضافتة الى مجموعة طلبات تحسين الشبكة في خطة تطوير الشبكة الدوّرية التي تقوم بها شبكة أورانج!”
حبيتها هاي
انه في تطوير دوري بس كل 10 سنين ..كل 50 سنه انت ما الك
و طلبك انرمى مع باقي الطلبات…صريحين الجماعه ليش الحكي
at 1:30 am - 11th May 2009 Permalink
الحمدلله إنك سبقتني وكتبت عن هالموضوع !
لأني فوق مشكلتي معاهم والتاخيرات وتعاسة الإنترنت عندهم !
إلا إني ما رح اناقش الموضوع هادا كل الي بحب احكيه انهم شركة كذابين ، اخي انا تعودت اعرف اورانج انهم سريعين في حالة واحدة إلي هية لما تشترك معاهم او تركب خط جديد !!
بالنسبة للصيانة والإلغاء أو الأداء أيضاً فبالعربي ؛ شركة حرام يكون معاها ترخيص إنها تشتغل..
خلوني ساكت والله إنو رقم (1214) يومياً لا اتصل عليه اشوف ايش صار بمعاملتي الي صارلها سنين ولا اجابة حتى هذه اللحظة
at 9:57 am - 11th May 2009 Permalink
انا بصراحة من اشد اعداء الاتصالات الاردنية و فشيتلي غلي عنجد
at 9:59 am - 11th May 2009 Permalink
بيعطونا و ليس بياعتونا . الله يرحموا جدي …… صباح الخير يا كبير
at 5:54 pm - 11th May 2009 Permalink
حنا سكان منطقة زيزيا بنعاني معاناة مش طبيعية مع شبكة اورنج
الارسال تعيس جدا وبتمنى من هشركة انه تحسن ارسالها
at 5:54 pm - 11th May 2009 Permalink
فش بعد شبكة امنية
at 5:57 pm - 11th May 2009 Permalink
انا برايي انه شركة orange من احسن الشركات الوطنية الاردنية في البلد
at 12:26 am - 12th May 2009 Permalink
المفروض يسمّوها أورانج لتربية الدواجن
at 2:20 am - 12th May 2009 Permalink
لأ أورانج لتربية الخنازير … مشان يسكروها و يريحونا
at 4:26 pm - 12th May 2009 Permalink
هههههههههه , ولا شي عامر انت بس صفي النيه وغير الشركه .. كيف صابرررر
؟؟؟؟ وكمان سيتم اضافة طلبك الى مجموعة الطلبات لتحسين الشبكه … اعتقد عم يستنوا
ليوصلو 10000000000 طلب وبعديها بيفكروا شو ممكن يعملو
at 11:48 am - 14th May 2009 Permalink
مين قلك تحول ل أورنج؟
زين وبس ( مو قصدي دعاية) بس هيك هي … التغطية الافضل بكل المملكة
at 8:21 pm - 14th May 2009 Permalink
Orange 7aramye mn yoomhom, bs about the signal i heard from a friend it’s good, but he doesn’t leave amman.
I’m using Umniah line, they say it sux, and the signal is so bad, well. I guess they are so wrong, it wasn’t that good in the past, but nowadays it’s improving quickly in great way, and I can use my cell phone in any part of my house, even the bathroom!!
anyway nasee7a ma 7ada yjareb shi mn orange specially the Internet, because they are 7ARAMYEH!!!
at 4:40 pm - 29th May 2009 Permalink
بالله عليك يا صاحبي ما إتصل فيك حد من الهسهس بسألك ليش كاتب هاد المقال عن الشركة ؟؟!! لإنو ببساطة صارت مع وحدة – على فكرة هيه مدونة ناشطة كتير من زمان و إللي بعرفها شخصي بعرف هاد الموقف إللي صار معها – كانت تشتغل مع واحد صاحبي، كتبت مقال عن الخدمة السيئة تاعت الشركة في مجال الإنترنت ، فبعد أكمن يوم الهسهس بتصل فيها و بستدعيها عندهم ، و بإختصار شديد بطلبو منها تشيل المقال ، أو . . .
at 11:38 am - 8th June 2009 Permalink
الي مش عاجبه ينتف حواجبه وبالنسبه للتغطيه المشكله بتلفوناتكم ام العشر ليرات بشل الي بيجي بورانج
أرسل تعليقاً