ابليــــس يصـــف الوضـــع والحالـــة في الاردن!!**
كان في غرفته، يلملم ملابسه في حقيبة إلى جانبه وباقي متعلّقاته على المنضدة القريبة. كانت استقالته موقّعة ومختومة حسب الأصول، وبجوارها تقبع ون-واي تيكت إلى جزيرة مالطة.
كانت ملامح وجهه في تلك اللحظات تنطق بالحزن والكآبة والإحباط واليأس وقلّة الحيلة… مع دهشة مزمنة ارتسمت عليه منذ فترة ليست بالقريبة مع الإعترافٍ بالعجز والفشل….
إبليس راحلٌ عن بلادنا إلى غير رجعة… فليفرح المؤمنون…
- وين يامسهّل؟ ليش عم بتضبّ اغراضك؟
- يازلمة ماظلّلي قعدة عندكو، إلي سنين عاطل عن العمل وقرّبت أموت من الجوع.. بلاقيش معك سيجارة ياخوك؟ مش قاطع فيكو لا وسواس ولا خنّاس!!!
كنت زمان بوسوس للوحدة تسيب ابنها يعيّط وهي بتحكي مع جاراتها، هسّة صاروا لحالهم يرموا اولادهم في الحاوية أوّل مايجوا!
كنت أوسوس للواحد ينسى يسمّي الله قبل مايوكل، هسّة بطّل حدا لاقي إشي يوكله!!!! يازلمة إذا أنا إبليس وتسمّمت بالشاورما!!!
كنت برضو بوسوس للشب يرميله كلمة ع البنت وهي ماشية بالشارع، صاروا البنات يطقّسوا ع الشباب بكلام أنا نفسي بستحي أحكيه! إنتو بدّكو إبليس إنتو؟! خلوني أبعد عنكو وارتاح!!!
صار عندكم فائض في الفساد بكفّي 30 سنة لقدّام، صرت أخاف على حالي منكم!!!!
يازلمة مرّات بضطرّ أوسوس بالشقلوب وأقول للمسؤول إرحم، وللحرامي بكفّي خلّي شويّ للحراميّة اللي رح ييجوا بعدك!
يعني إذا إنتو لحالكو بتعملوا كل هالبلاوي، أنا إبليس شو أعمل؟؟؟؟ أشتغل شوفير تكسي يعني ولاّ أفتح صالون حلاقة؟؟؟؟
ماظلّ عليً غير أقدّم للأوقاف يعيّنوني واعظ أو إمام جامع!
ثمّ فتح إبليس الباب وانطلق خارجاً إلى غير رجعة!!!!
** ملاحظة: وصلتني الرسالة عن طريق الأيميل ولم يذكر أسم الكاتب, شكراً للأخ لتنبيهي عن كاتب الموضوع, وأقدم أعتذاري عن الخطأ الغير المقصود.
on 
on 
7 عدد التعليقات
at 11:56 am - 18th March 2008 Permalink
يرجى الإشارة إلى كاتب المقال الأصلي:
http://adoosh-world.blogspot.com/2008/03/blog-post_04.html
اقرا هذا البوست:
http://adoosh-world.blogspot.com/2008/03/copyrights.html
at 12:00 pm - 18th March 2008 Permalink
في هيك اوضاع .. ارض خصبة لإبليس… مش راح يروح و لا محل
at 1:15 pm - 18th March 2008 Permalink
did you censor the post? there was a part about satan saying “there is nothing left for me in jordan when you kill two guys for looting a trash dump but when a guy steals 6 million dinars from public money you jail him in a luxury villa in Aqaba”
in reference to Battikhi who stole millions and went to luxury prision and the two poor teenagers who were “caught steeling” from a trash dump a month ago and were killed by a the police.
at 5:19 pm - 18th March 2008 Permalink
ملاحظة: وصلتني الرسالة عن طريق الأيميل ولم يذكر أسم الكاتب, شكراً للأخ لتنبيهي عن كاتب الموضوع, وأقدم أعتذاري عن الخطأ الغير المقصود.
at 5:58 pm - 18th March 2008 Permalink
Shaltaf, thanks man for the note..
Amer, no need to apologize my friend, it’s enough you were kind to mention the source when you knew about it..
Have a nice day.gif)
at 7:28 pm - 18th March 2008 Permalink
this post comes from reality
>>>>>>>>>
و هيك أوضاعنا صارت …
الله بيعين
at 11:55 pm - 18th March 2008 Permalink
بالتأكيد نحن أخوة وما كتبت ملاحظتي إلا عشما بأخلاقكم الطيبة
شكرا عامر وأدوش
أرسل تعليقاً