مدونة أسكدنيا

• عامر غسان-أسكدنيا توك-الإمارات

ورد في موقع عمّون الأخباري الأردني بأن شركة أمنية للإتصالات سيتم بيعها قريباً, ولكن هنالك خطأ فظيع بالخبر, فكما ذُكرَ بالخبر:

علمت “عمون” من مصادر مطلعة ان شركة امنية للاتصالات الخلوية ستباع الى مجموعة شركات MTC (بتلكو) وهي المرة الثانية التي تباع فيها الشركة في غضون اشهر معدودة..

الخطأ الفظيع الذي أرتكب بالخبر هو أن شركة أمنية بالأساس ملك لشركة بتلكو البحرينية بعد أن تم بيّعها منذ حوالي سنتين من قبل مايكل داغر, وأن شركة MTC الكويتية (زين) لا تمت بصّلة لشركة بتلكو.

الخبر المتداول حالياً, وبحسب مصادر خاصة جداً بأسكدنيا توك (وأن لم يتحدد صحة الخبر بعد) بأنه سيتم بيّع شركة أمنية أو إكسبرس لشركة إتصالات الأماراتية قريباً!! وإذا كانت الخبر يخص إكسبرس, فأن إتصالات ستحوّلها لنظام GSM بدل نظام الراديو المتنّقل المعمول به حالياً.

وبالنهاية, يا خبر اليوم بفلوس بكرة بصير ع البسطات بوسط البلد.

شبكة أمنية, أحدى شبكات الخليوي العاملة بالأردن, تتخذ شعار “كلمتك مسموعة” شعاراً لها..

أمنية, وما أدراك ما أمنية!! لا كلمتك مسموعة ولا بطيخ أمبسمر, يعني نفسي مرة أكمل تلفون واحد بدون تقطيع بالصوت أو أنه يفصل الخط, وكتير ناس بحاولوا يتصلوا فيني بعطيهم لا يمكن الأتصل بالرقم المطلوب أو مغلق.

جد أجاني أحباط من أمنية وشبكتها التعيسة, لأنه كل مرة لما أجي ع الأردن أجازة بفكر أجيب خط أورنج أو زين, بس بقول بضل خط أمنية أرخص, بشغلو وبندم مع أول تلفون, كل سنة نفس الشي, بقول أكيد تحسنت الشبكة وبلاقي الوضع زي ماهو!

على قولة ستّي, يا مسترخص اللحمة عند المرقة بتندم, وفعلاً, رخص بس ع إشي فاضي

على كل حال, عشان ما نظلم الشبكة, الأرسال ممتاز بوسط عمّان, أما بشرق عمان وبطريق المطار وبقية المحافظات الأرسال ***.

بأتصال مع صديق إلي بشتغل بشركة أمنية في مآدبا, حكالي أنهم شغّالين على الشبكة وبطوروا فيها, بس بشكل بطئ جداً…!

أمنية شغالة هلأ منيح عشان رخصها مش أكتر, بس مش يعني هي الأحسن..