مدونة أسكدنيا

الكاريكاتير لعمر العبدللات

بي اس: سمعت انه الشباب صارت تدوّر ع بنات أفريقيات يحبوهم بالدول اللي عندها شبكة زين عشان المكالمة بين الأردن وأكتر من 20 دولة أفريقية ببلاش تقريباً..نيالنا بس

جورة المجاري هاي الها معزّه خاصة بقلبي, لأنها تركّبت بنفس سنة ميلادي, ياللي مهتم كتير بالموضوع وحابب يتصور معها مثلاً, الجورة موجود في عبدون رابع دخله على اليمين قبل الدوّار.

وسلامة خيركم.

عوافي…
اليوم وأنا بدوّر في أرشيف الصور اللي عندي, لاقيت صور الها ذكرى جميلة جداً عندي, هالصور كانت في مقهى زرتو أنا وصديقي أسامة الرمح بسنة 2006 .

فبينما كنت انا وأسامة نتسكع في حواري دبي .. وفي الزقق .. لاقينا -بمحض الصدفة- محل مخفي بين هالزقق هاي.. المحل طوله متر بمتر.. بعد ما دققنا ومحصنا وبحصنا النظر عشان نعرف شو هو.. طلع هادا المحل قهوة..

هاي القهوة يرتادها العشاق والحبيبه وصفوة المجتمع في دبي ورجال الأعمال تبعون الأبراج في شارع الشيخ زايد.. هؤلاء من زهقوا من صخب الحياه ومللها وروتينها..

مالنا وما طولة السيرة.. القهوة هاي فيها كل أشكال المجتمع المرموق في منطقة نايف والحواري المجاورة لها..

ما يغركم الأشكال اللي رح تشوفوها هلأ… كلهم ماخدين أجازة من الحياه .. بتعبير آخر كلهم عاطلين عن الأمل .. بايعينها… وبصحتكم…

طبعاً دخلت انا وأسامة وأرجلنا أرجيلة تمباك عجمي أيراني أصيل هادا اللي النفس منو بخليك بعالم سبيس تون.. طبعاً مارح أحط صورنا

خليكم مع الصور… ومع تعليقي…

أكمل قراءة الموضوع »