| 
كاريكاتير لعماد حجّاج كـ ردّة فعل طبيعية على تلك الفتوى الغريبة.
متابعة لموضوع “فتوى قتل ميكي ماوس”, انا تابعت الموضوع بإهتمام من خلال ردود الأخوة المعلّقين, اللي ما ما قصروا بصراحة بتبيين وجهة نظر الشيخ صاحب الفتوى, ومن خلال بحثي على الأنترنت.
الواضح أنه تم إستغلال الفتوى بطريقة ما ليتم فهمها بطريقة مضحكة تبيّن جهلنا وجهل المشايخ بالفتاوى.
|
أصدر الشيخ محمد المنجد (شيخ ومفتي سعودي) فتوى جديدة عبر برنامج تلفزيوني طالب فيها بقتل “ميكي ماوس” وهي الشخصية الكرتونية “الخيالية”!!!
ففي تفاصيل الفتوى الغريبة جداً من نوّعها, فقد أعتبر “شيخنا الفاضل” ميكي ماوس بأنه من فئة الفئران مما “يُحل” قتلة في الحل والحرم, معتبراً أن أن الفئران من جنود إبليس ويسيرها الشيطان، مشيرا إلى أن الإسلام سمى الفأر “فويسقة” ويجوز قتل الفئران في أي وقت لأنها نجسة وهي كائنات ممقوتة.
|
مين فينا ما بعرف السينابون Cinnabon؟؟
السينابون (وهو الأسم التجاري لـ لفائف القرفة Cinnamon Rolls( عبارة عن نوع من الحلويات محشي بالقرفة بشكل أساسي وعليه قطر أو سكر.
المهم, اليوم إجى ع بالي سينابون, رحت على سيتي سنتر عشان أغيّر جوّ وبالمرة آكل سينابون, لأنه السينابون إلو عندي ذكريات كتير رائعه.
|
متابعةً للموضوع “التدخين في الأردن, واقع مؤلم” , قرأت اليوم خبراً قد يعطي الأمل للكثيرين من غير المدخنين بخلق بيئة صحيّة نظيفة وخالية من السموم التي تنفث بالجوّ دون أي قانون ينظم ويمنع هذه المكرهة الصحيّة التي نراها في كل مكان بالأردن.
ففي خبر نشر في عدة مواقع إخبارية, وأحياءً لقانون قديم تم حظر التدخين “مجدداً” في جميع الأماكن العامة في الأردن تحت طائلة الحبس والغرامة للمدخن.
وتشمل الأماكن العامة التي حدّدها القانون حسب القانون الجديد المدارس والمستشفيات والمراكز الصحيّة ودور السينما والمسارح والمكتبات العامة والمتاحف والمباني الحكومية وغير الحكومية العاملة ووسائط نقل الركاب وصالات القادمين والمغادرين في المطارات والملاعب المغلقة وقاعات المحاضرات والى ما هنالك من أماكن عامة.
وبحسب القانون الجديد, يعاقب من يقوم بالتدخين بالأماكن العامة بالحبس لمدة لا تقل عن أسبوع ولا تزيد عن شهر, أو تغريمه بملا لا يقل عن 15 دينار ولا تزيد عن 25 دينار.
على أي حال, هل سيشكل القانون الجديد رادع للمدخنين للتوقف عن التدخين بالأماكان العامة؟ أم سنستمر بمسلسل “يا خوك طفّي السيجاة منشان العفاريت” ؟؟؟
لي رجعة أخرى
|
رمضان للأسف صاير عند البعض عبارة عن 30 يوم الواحد بكون “ملزم” أنه يكون بني آدم منيح كتير, كل ما بدو يعمل شي مش منيح كان “متعوّد” يعملو قبل رمضان, طوالي بتزكر أنه هو بشهر رمضان وببطل يعمل هالشي.
يعني اللي كان يسكر قبل رمضان ببطل سكّر في رمضان, اللي كان يزني ببطل, اللي كان يسّب ببطل يسّب, واللي كان يسرق بصير شريف مكة في رمضان وقيسوا على هالحكي.
وطبعاً كتييير ناس زي هيك للأسف!!!
وأنا هالعادة هاي بتستفزني جداً بأي شخص بصدر منو هالتصرف, لأنه يا عالم لازم تفهموا أنه الحرام قبل رمضان حرام برمضان وبعدو كمان, ربنا ما حلل السكر والزنا والسرقة والغش والنصب والشتم ..ألخ بـ 11 شهر من السنة وحرّموا برمضان.
رمضان رحمة وغفران صح, ولكن بقية الأشهر وين راحت؟ يعني الواحد فينا بهمّوا يتقرب لربنا برمضان وبقية السنة عينك ما تشوف إلا النور؟؟
انا برأيي الشخصي, الواحد لازم يتوب عن أي غلط بعملو توبة كاملة, يعني 12 شهر بالسنة, أما اللي بدو يتوب برمضان بس وباقي السنة بنسى كل شي, لا منو ولا من التوبة وبالناقص أساساً أنه يحمل الدنيا جميلة أنه صاير بني آدم منيح.
هالموضوع فشّة غلّ من أكثر, وحبيت أكتبو بالعامية لأوصل فكرتي بطريقة ما لهالعالم “الرمضانية”.
ورمضان كريم,
|
بعرف إنه الموضوع قديم ونكتب عنو كتير, بس فعلا شي مستفز جداً!
بكون جسر المشاة موجود كأنو زينة او معلم سياحي لنفرجي السيّاح أنو إحنا دولة متقدمة عنّا جسور مشاة, والعالم نازلة تقطع الشارع من تحت الجسر ولا كأنو موجود شي, واللي بجرب يوقف بأي شارع فيو جسر مشاة رح يلاقي أكتر من نص العالم مش شايفة الجسر أصلاً,وشوفرية السيارات ما بتسمع إلا مسبات من الزنار وتحت.
|
هالموضوع مش طويل , ولا حتى هو موضوع أصلا , بس مجرد كم من سؤال نفسي أطرحهم ” أرضا” من زمان.
كنت ماشي في شارع “سوق السلطان” أحد أشهر الشوارع الرئيسية في عمان ” و ذكرت أسم الشارع لسبب رح أذكره باخر المقالة “, تفاجأت لمنظر فعلا أسودت الدنيا بوجهي منه .
بنتين صغار , أعمارهم بين 13 و 14 كأقصى حد , بمشوا بالشارع بطريقة مخزية , طريقة لا يمكن “لبائعة هوى” أنها تمشي فيها , و لابسين لبس “فعلا ما بستحوا” يعني وحدة منهم كانت لابسة شورت لفوق الركبة بشبرين “يعني طولها بحدود المتر و نص, شبرين فوق الركبة يعني مش لابسة شي” .
وعنا طبعا عنصر الشباب المريض الي بعاكسوهم و همه مبسوطين و بضحكوا , و بردوا عليهم , فعلا أنا مش عم أبالغ ولا شي , و للعلم أنا مش شاب معقد , و أي منظر عندي عادي , بس أنا شعرت بالأسى عليهم , يعني اذا عمرهم لنفرض 13 سنة, على هيك على 16″ أن شاء الله” بكونوا مخلفين هذول , مش مستغرب” جرائم الشرف” ليش كثرانة , و ما زاد من شفقتي و أستغرابي , لما طلعلهم شاب من شباك سيارتة و طقعهم كلمة “…..” مشفرة , ردت عليه واحدة منهم بكلمة أسفل, “من الزنار و تحت بشناعة” ,يعني احنا شباب ببعض ما بتطلع منا , و زادوها لما مرت عنهم بنت محجبة , يمكن بضعف عمرهم و قعدوا يتمصخروا عليها .
أسئلتي بسيطة و أتمنا أني ألاقي جواب .
هل وصل الأنحطاط , و سوء التربية و الأخلاق , الى هذه الدرجة ؟
يعني وين أبوها أو أمها عنها هذه البنت؟
مش عارفين أنها بتعمل هيك بالشارع , طب ماشي , ما بشوفوها و هي نازلة من البيت ؟
وللعلم ذكرت أسم الشارع مشان ما حدا يقولي ” بلكي بتمشوا جنب باب بيتهم ,عادي”
فصدق الشاعر احمد شوقي عندما قال :
أنما الأمم الأخلاق ما بقيت فإن همو ذهبت أخلاقهم ,ذهبوا
آخر الأخبار من الجزيرة
on دم للبيع, لحق حالك
on دم للبيع, لحق حالك on دم للبيع, لحق حالك on دم للبيع, لحق حالك on هل أنت راض عن أمانة عمان الكبرى؟
