دايما كلمة “دواوين” مرتبطة أرتباط تاريخي بالشعب الأردني, جربت أعمل بحث في YouTube على كلمة دواوين, طلعلي كتير فيديوهات, كلها مرتبطة بالأردن من قريب أو بعيد..
ليش برأيكم أحنا شعب دواوين؟ ليش شوفرية التكاسي “ديونجية”؟ مابدي أطول كتير, بدي أكتب مقال بوقت قريب عن الموضوع هاد, من هون لوقتيها, شوفوا هالفلم “الديونجي” الي عاملينوا مجموعة شباب من الأردن… طقع بس!
“توقع رئيس لجنة الطاقة النيابية الدكتور عاطف الطراونة أن تصعد أسعار مختلف أصناف المحروقات في السوق المحلية خلال الشهر المقبل بنحو 5% نتيجة لارتفاع أثمان النفط عالميا.”
يعني توقعوا كل شهر نقرأ أنه في زيادة أسعار البنزين بالشهر الي بعدو, معقولة نقرأ بيوم من الأيام أنه نتيجة لأنخفاض سعر البترول عالمياً قررت الحكومة الرشيدة خفض أسعار البنزين ومشتقاتو؟ سؤال وجيه أكيد.
ماحد يحكيلي أنه مارح ينزل حتى لو دولار واحد!!
على كل حال, زادوا الرواتب بين 20-80 دينار لمعظم الموظفين, وبالمقابل كل واحد منهم زادت مصاريفه بين 100 لـ 200 دينار, معادلة صحيحة 100% واللي حبكها بدو جائرة نوبل للبترول.
جربو أقرئوا تعليقات القراء بموقع الغد, عشان تشوفوا كيف العالم مبسوطة على الخبر هاد, هاي أول أرتدادات هزة البدن الي حكيت عنها ببوست من كم من يوم, ولسه “الحبل” على الجرار.
هالموقف كلو زكرني بنكته بتنحكى عن رفع البنزين وردّة فعل الشعب عليها, بس هالنكتة صعب تنحكى هون, بروح فيها كتاف بعدين
الي رجعة على الرفعة الجاي انا, بس ما برضى بأقل من 7% المرة الجاية انا.
أغلق موقع يوتيوب قناة “هاني الأردن” على اليوتيوب, بدون أبداء سبب الأغلاق لزوار القناة الذ ين يعدون بالألوف يومياً.
ولكن حسب العريضة التي قدمها مشتركي القناه الى يوتيوب, قالوا بأن موقع يوتيوب أتخذ قرار الأغلاق بسبب أحتواء القناه على مواد وفيديوهات حمّلت على الموقع بدون أخذ أذن من أصحابها أو حقوق بأعادة بث المواد.
طبعاً معظم الفيديوهات التي كانت تحتويها قناة هاني الأردن كانت عبارة عن فيديوهات من الأرشيف القديم والقديم جداً من التلفزيون, معظمها عبارة عن مقاطع مع أغاني قديمة وأفلام قديمة, وبعض المقاطع من برامج تلفزيونية قديمة وجديدة أيضاً.
انا ضد أختراق حقوق الملكية أكيد, لكن معظم الفيديوهات القديمة عبارة عن أرشيف ثمين يملكه هاني ويقوم بمشاركة العالم به, أي ان معظمه من الصعب ربط حقوق بثه بجهة معينة, ولكن يبدو أن المقاطع الجديدة المحملة قد اثارت بعض المشاكل لمالكي حقوق البث, مما أدى بهم لتقديم شكوى للموقع, مما جعل الموقع يتخذ القرار بأغلاق القناة.
برأيي تصرف الموقع كان خاطئاً, كان من الممكن أن يقوموا بألغاء الفيديوهات التي فيها تعدي على حقوق الملكية أو أن يقوموا بأرسال رسالة تحذير الى صاحب القناه لتنبيهه بأن المواد التي قام بتحمليها مخالفة لسياسة الموقع.
الأرشيف الذي تم الغاؤه من الموقع ثمين جداً, كلها مرتبط بفترة عشناها جميعاً خلال أواخر الثمانينات والتسعينات من القرن الماضي.
قام هاني بأفتتاح قناة جديدة على الموقع, وبدأ بتحميل الفيديوهات عليها مرة أخرى, لا أدري فيما أذا كانت له المقدرة على تحدي قوانين اليوتيوب مرة أخرى وتحميل أي شئ مهما كان الثمن؟
بالنهاية, هناك مجموعة تطوعت للدفاع عن هاني وقناته, بأن يدخلوا ويكتبوا عريضة في قناة يوتيوب الخاصة لأعادة القناة على قيد الحياه..
تحديث: عنوان قناه هاني الأردن الجديد على اليوتيوب من هنا.
اليوم صاحبي أعطاني بالصدفة لينك موقع راديو أمن أف أم الي ببث في عمّان, وحكالي أسمع شو بحكوا الناس لما يتصلوا مع البث المباشر, المهم حطيت على الأذاعه وبلشت أسمع شكاوى المواطنين الي مغلبين حالهم ومتصلين مع الأذاعه.
أول متصل بحكي مع المذيع, بحكيلو يا سيدي عندي ماسورة المي خربانه من شهرين وحكيت مع سلطة المياه ولهسه ما اجو صلحوها, ومواطن “صالح” أتصل مع البرنامج بدو يشكي عن حفرة قدام بيتو عم تخربلو سيارتو, ومواطن تاني حكى مع البرنامج كمان بشكي عن شي خاص جداً جداً نسيت شو هو.
طبعا المذيع معطيهم مجال يحكوا كتير, وبسألهم بتفاصيل مشكلتهم, كأنو كل مشاكلنا بالأردن أنحلت وضلت شويه حفر لازم نسكرها وشويه مطبات نشيلها وشوية مواسير ميّ لازم نسكرها لنحافظ على “الثروة” المائية الي عنا.
مش هيك بتكون برامج البث المباشر,يعني مفروض تكون لحل مشاكل أكبر من هيك, ما تكون عبارة عن حل مشاكل فردية وأمور شخصية جداً!!
على كل حال, ياللي بحب يضحك شوي يشغل الراديو الصبح من الأنترنت على البث المباشر للأذاعه ويسمع هموم المواطن الأردني الكبيرة جداً…
طبعا ما بنكر أنه في شكاوي بتكون بمحلها, وبتكون شكاوي بتفيد الجميع مش بس فرد معين.
على الرغم من أنه شركة الأتصالات الأردنية لم تعد شركة حكومية, وأصبحت منذ فترة طويلة مملوكة بشكل شبه كامل لشركه أورنج Orange الفرنسيه, ألا أن خدماتهم وموقعهم مازالوا يعانون من “الحكومية”.لن أتحدث عن الخدمات لأنني لم أجرب خدمات أورنج منذ فتره بسبب أقامتي خارج الأردن, ولكن سأتحدث عن موقعهم, فلا أهتمام واضح أبداً بالموقع, هنالك تحديث فقط في بنرات الموقع مع كل عرض أو خدمة جديدة, ولكن الموقع كموقع فارغ وليس به معلومات مفيده في أغلب الأحيان, بالذات بالقسم العربي منه, الذي تم أكماله بعد فتح القسم الأنجليزي بأشهر, وحتى الآن به العديد من الأخطاء.
اليوم وجدت بالصدفة مدوّنه للموقع, دخلتها للأسف لأرى ما بداخلها, لم أرى أي شئ, سوى موقع فارغ وغبار هنا وهناك, مع شبكة عنكبوت تدل على أن المدونه مهجورة منذ زمن, وألوف الردود من Spam لا أكثر.
هنالك موضوع عليه أكثر من 2500 رد كلها Spam وليس لها أي معنى, فلا يوجد من يدير المدونه, سواء بتطوريها و “علاجها” من ردود الـ Spam أو حتى ألغائها وأغلاقها و”بلاش فضايح”!!
طبعاً انا “شفتها” خربانه خربانه, حكيت خليني أستفيد من “الهيزعه” الي بالموقع, وضفت لينك للمدونه, مع انه ما بحب أكون من الي بنشروا Spam ,بس المدونة السايبة بتعلم الناس الـ Spam .
في مبادرة من Qwaider Planet تقرر أن يكون يوم 12-3-2008 يوم التدوين للأردن, وأن يكون هذا اليوم مناسبة تتكرر في كل عام من أجل التدوين للأردن ومن أجل ألأردن.
ومن مدونتي هذه, سأقدم كل الدعم لنجاح الفكرة, وسعيد لمشاركتي.
آخر الأخبار من الجزيرة
on دم للبيع, لحق حالك
on دم للبيع, لحق حالك
