| 
الصورة أعلاه لم تؤخذ في سنة 1998, بل للأسف تم إلتقاطها اليوم صباحاً في سنة 2009, والمكان هو العاصمة عمّان, وبالتحديد في منطقة الوحدات بالقرب من دوّار الشرق الأوسط.
الناظر للإعلان سيعتقد أننا ما زلنا نعيش أيام كأس العالم فرنسا 1998 للأسف, بينما السائح سينظر الينا كبلد يعيش في سنة 1900, فلماذا هذا الإهمال؟؟
|
منذ فترة قصيرة بدأ برجيّ بوابة الأردن التوأمين برسم صورة جديدة للعاصمة عمّان بشكل عام و منطقة الدوار السادس بشكل خاص, وقد شارف البناء على الإنتهاء قريباً بعد البدء بتلبيس البرجين بالزجاج والألمنيوم.
الأسئلة التي أود طرحها عليكم والتي تدور حول البرجين, هي كيف ترون موقع برجيّ بوابة الأردن؟ وكيف تروّن تناسق البرجين مع الأبنية الحجرية المحيطة, هل وجودهم أعطى صورة جمالية للمنطقة أم قام بتشويه المنظر الجمالي للمباني بشكل عام.
شاركونا برأيكم…
** الصورة من مدونة أمانة عمّان الكبرى
|
من فترة وانا عم بشوف أعلانات بالجرايد عن موضوع ترتيب أمانة عمّان الكبرى لتجهيز إحتفال كبير بمناسبة مئوية العاصمة عمّان.. شي حلو كتير.
القضية اللي حابب أحكي فيها اليوم هي موضوع المجسم اللي زي “باكيت المالبورو” اللي موضوع على الدوار السابع في عمّان, المجسم البشع جداً والمتآكل جداً وجداً.
|
مبارح بالصدفة وانا مروّح ع البيت بالليل, مرّيت من تقاطع شارع مكة مع شارع المدينة الطبية اللي افتتحتوا الأمانة من حوالي أسبوعين, بصراحة إنصدمت من الوضع هناك.
الدوّار أنقلب لمنتج أو مزار سياحي لأهل عمّان وباقي المحافظات, سيارات صافة هون وهناك مسكرة جوانب الدوّار, وناس وعالم وولاد صغار نازلين يلعبوا كأنهم في “ديزني لاند”, والعالم معجوقة بالنافورة اللي بنص الدوّار ونازلة تتحمم فيها.
دبور موقع عمون الإخباري شاهد صبية لم يحدد معالمها أذا كانت شــgــفة ولا لأ, عم تغسل رجليها من ماء النوافير الموجوده على الدوار, فهالشي عمل عجقة على الدوّار لأنه كل السيارات صارت توقف لتشوف الصبية وتشرف على عملية السلام قصدي غسيل رجليها..
انا بفترح على الأمانة تفتح شوّرات على الدوّار, خلّي الشعب يعيش وينبسط 
|
شوارع عمّان وما أدراك ماشوارع عمّان؟؟ لازم ينكتب تحذير على جميع مداخل عمّان ينكتب فيو: شوارع عمّان سبب رئيسي لأمراض العامود الفقري والروماتيزم وأنزلاق الغضاريف وإرتجاج الدماغ.
مع أني مش حابب أقارن بين هون والأمارات لأنه في ناس عم بتحسّسوا من المقارنة, بس حاسس حالي مضطر للشي هاد, يعني فعلاً وضع الشوارع عنّا مزري جداً جداً, فش شارع بمشي فيو إلا بوقع بـ 100 حفرة ومطب وبضل طالع نازل بين رُقع بالشارع وغيرو, بقول يا الله طيب ليش هيك؟ نفسي أمشي بشارع يكون زي العالم والناس بدون ما أقضيها زي اللي بيلعب Play Station عشان يهرب من الحفر.
أمانة عمّان قامت بتزفيت طريق المطار خلال الأسبوع الماضي, خطوة رائعة جداً, لأنه طريق المطار هو الوجه الحضاري للبلد, وهو أول شارع بشوفو أي سائح بفكر يزورنا, طبعاً بالفترة الأخيرة كان وضعوأ مميت جداً, ولكن الحمدلله الوضع صار أحسن حالياً.
وكالعادة, أول ما يخلصوا تزفيت أي شارع, بتزكروا أنه في ماسورة ميّ فاقعة تحت الأرض أو بتزكروا خط كهربا مشرت, بروحوا يحفروا الشارع مرة تانية, وبعدين برّقعوا الحفرة ترّقيع!! وبهيك خلال فترة زغيرة بتلاقي الوضع رجع زي ماكان, يعني محل ما *** شنقوه
نرجع لموضوع المقارنة, من أحد أسباب خراب الزفتة بكتير من شوارع عمّان وبقية المدن هو أنه أمانة عمّان بتوكل عملية تزفيت الشوارع لشركات خاصة عبر عطاءات معينة, بعكس بلدية دبي “ممثلة بهيئة الطرق والمواصلات” اللي بتشرف على عملية التزفيت ونوع الزفتة “الأسفلت” بنفسها وبكوادرها الخاصة, لذلك بتلاقي الشوارع كلها 100% مزبوطة, لأختلاف نوعية الزفتة المستخدمة طبعاً.
بضل بالآخر أحكي أنه ما بدي أحط كل اللوم على أمانة عمّان أو الشركات الخاصة, لأنه معظم الشوارع بتخرب وبصير فيها حفر بعد فصل الشتا من كل سنة, لكن هون بكون دور الأمانة بالصيانة السريعه بعد أنتهاء فصل الشتا, وهاد الشي اللي ما بنشوفوا, لأنه علاج المشاكل بكون بطئ جداً جداً.
آخر الأخبار من الجزيرة
on يختبرون غباءنا فننجح 5:نظرية المؤامرة في وفاة مايكل جاكسون on من هو الرجل العنكبوت ؟؟؟ on صورة:عمّان 2100 on صورة:عمّان 2100 on أمنية, وشرف العفاريت أنه كلمتك مسموعة
